الأسئلة الشائعة

القطّة هي خدمة تساعدك على جمع ومتابعة النفقات المشتركة مع زملاء العمل، الأصدقاء، أو العائلة. من خلالها تقدر تضيف النفقات يدويًا أو اختيارها من سجل العمليات وتقسيمها بين أعضاء مجموعة القطّة. وتقدر بعد تسوي تسوية للمستحقات و تذكّير الأعضاء المشاركين بالدفع، وتحط علامة على النفقات المدفوعة.

اذا شاركت هدفك في الادخار مع مستخدم ثاني لعز، بيكون ادخاركم مشترك. تقدر تضيف عضو واحد بس للادخار المشترك ويلزم موافقته عشان تحوّل الفلوس من الهدف.

عشان تفتح حساب جاري بعز تحتاج: • هوية سعودية سارية المفعول (الهوية الوطنية / الإقامة) • رقم جوال سعودي مفعل • مصادقة نفاذ (عبر تطبيق نفاذ تتم المصادقة) • العمر 18 سنة أو أكبر • معلومات مثل الإقامة الضريبية والدخل وتفاصيل الوظيفة. ملاحظات مهمة ! *يساعد (نفاذ) على التأكد من هوية الأشخاص اللي يستخدمون الخدمات عبر الإنترنت من خلال الهوية الرقمية ويساعد في إنجاز خدمات القطاع الخاص بموثوقية وأمان عالي. * بس تقدر تسجّل إذا كنت داخل المملكة. • تقدر تستخدم الخيار الرقمي تدخل اسم المستخدم والهوية الوطنية السري للبطاقة وبعدها مكالمة تحقق من المصرف اللي بيوصل على رقم جوالك المسجل.

عشان تطلع بطاقة ائتمانية، تحتاج: * تفتح حساب جاري في عز. * تكون طالب جامعي وعندك عنوان بريد إلكتروني جامعي فعال. * يكون عمرك بين 18-30 سنة. * توقيع اتفاقية البطاقة الائتمانية.

في عز، ما نحد من أهدافك تقدر توصل لـ 12 هدف شخصي هذه الأهداف موجودة جنب حسابك الرئيسي، تقدر تضيفها وتحذفها مثل ما تحب.

إذا كان عندك فواتير مسجلة في بنوك ثانية بتقدر تضيف هذه الفواتير بمجرد الضغط على خيار "إضافة فواتيرك" في الداشبورد بالشاشة الرئيسية، وبنجمع لك كل فواتيرك المسجلة ونطلب منك فقط التحقق من هويتك. * فضلاً الانتباه لو أضفت فاتورة جديدة إلى بنك آخر، بنرسل لك تذكير على شاشة لائحة المفوترين بإضافتها إلى تطبيقك طالما أنك ما تجاوزت حد السداد المحدد. و إذا ما سجّلت فواتيرك الجديدة في البنوك الأخرى، بتقدر تضيفها مباشرة للتطبيق عن طريق اختيار الجهة من شاشة لائحة المفوترين وإدخال تفاصيل الفاتورة، والتحقق من هويتك، وإضافة اسم معين إلى الفاتورة إذا حبيت.

مع عز تقدر تكسب وتجمع نقاط عبر استخدامك لخدمات التطبيق ومع كل استخدام بتكسب عدد معين من النقاط وبتنضاف الى رصيد النقاط في برنامج أكثر.

للحصول على بطاقة الطالب الائتمانية ، يجب استيفاء الشروط التالية: * يجب فتح حساب جاري لدى البنك. * يجب أن تكون طالبا جامعيًا ولديك عنوان بريد إلكتروني جامعي فعال. * يجب أن يكون عمرك بين 18-30 سنة. بعد استيفاء الشروط ، سيتم توقيع اتفاقية للبطاقة.

مع إن الإثنين خدمات ادخار، بس فيه بعض الاختلاف بينها: • حصالة الطوارئ فعلًا للطوارئ، مافي مبلغ مستهدف أو تاريخ انتهاء مرتبط بهذه الحصالة. • الحد الأقصى هو 9,999,999 ريال سعودي. • تقدر تسحب أي مبلغ من الحصالة في أي وقت. • مخصصة لك بس، يعني ما تقدر تدعو أي شخص معاك. • ما تقدر تستخدم ميزة التقريب في الحصالة.

تقدر تحط علامة على المبالغ اللي اندفعت ، وهذا غير قابل للتغيير، وتقدر ترسل تذكير للأعضاء اللي ما دفعو.

5٪ من المبلغ المستحق أو 100 ريال سعودي (بيتم خصم المبلغ الأعلى)

تقدر تعرف إذا تأكّد توثيق البريد الإلكتروني الخاص فيك. •التأكد من تصنيف "تم التحقق منه" جنب عنوان بريدك الإلكتروني في تفاصيل المستخدم على صفحة حسابك الشخصي.

أي تقدر! تكسب نقاط مع كل استخدام للبطاقة إذا كنت مسجّل في برنامج الولاء "أكثر".

بالضبط مثل الهدف الشخصي، تقدر إما تحول بشكل تلقائي أو عادي. • تحويل تلقائي و متكرر. تقدر في أي وقت تحوّل من حسابك الرئيسي إلى الحصالة وتقدر تختار التكرار التلقائي يكون كل شهر أو كل أسبوع بالمبلغ اللي يناسبك. • تحويل عادي مع تذكير إذا ما تبغى تسوي حوالات تلقائية ومتكررة، احنا بنذكرك بإضافة فلوس للحصالة إما كل أسبوع أو كل شهر. تقدر بعد كذا تحول المبلغ اللي يريحك بشكل عادي.

تقدر تفعَل إشعارات التطبيق باختيار تخصيصات الإشعارات من صفحة حسابك الشخصي.

لا، هذه الديون مو ملزمة قانونيًا، وهي تمثّل معلومات غير رسمية مشتركة بين الأصدقاء أو الزملاء أو العائلة.

كعميل عز، تقدر تطلع بطاقة مدى واحدة فقط وإذا عندك حساب مع مصرف الإنماء، بتقدر تستعرض كل بطاقاتك الحالية عبر التطبيق.

المبالغ في حصالة الطوارئ الخاصة فيك بتكون متاحة لك دائمًا. وهذه هي طريقة السحب من الحصالة: • روح لـ “حصالة الطوارئ" الخاصة فيك. • اضغط على "سحب”. • اختار المبلغ واختار الحساب اللي تبغى تحوّل له. • دخّل كلمة المرور لمرة واحدة للتأكيد وبيتم سحب الفلوس على طول.

يكون دفع المستحقات بشكل تلقائي في يوم 25 من كل شهر ميلادي.

أكيد تقدر تدفعها أونلاين أو عبر تطبيق عز مباشرة.

مانحب النهايات.. لكن لو وصلنا لهذه المرحلة، تفضل بالتواصل مع خدمة العملاء: 8004414141

ما تقدر تحذف حصالة الطوارئ، لأن مافي مبلغ مستهدف أو تاريخ نهاية مرتبط فيها، عشان كذا هي متاحة دائماً للاستخدام ماتدري متى ممكن تحتاجها

تقدر إلى 12 هدف شخصي، بس بالنسبة لحصالة الطوارئ بيكون عندك وحدة بس مع مميزات السحب، ويمديك تضيف إلى 9,999,999 ريال سعودي لحصالة الطوارئ.

مافيه و 100٪ من رصيد البطاقة متاح للاستخدام.

بيكون حد السحب النقدي 30٪ من الحد الائتماني للبطاقة.

بعد تاريخ الدفع، بيتم تحصيل معدل الربح الشهري من باقي المبلغ المستحق. مثلًا، في حالة يكون فيها الحد الائتماني للبطاقة 10,000 ريال سعودي ومعدل ربحها الشهري 2٪. إذا كان المبلغ المستحق بالكامل 1,000 ريال سعودي، ينحسب الحد الأدنى للدفع على أنه -> 5٪ من 1000 * = 50 ريال سعودي؛ وهو أقل من 100 ريال سعودي، وبالتالي فالحد الأدنى للدفع بيكون 100 ريال سعودي. في تاريخ الدفع، بمجرد تسوية الحد الأدنى للدفع (100 ريال سعودي)، بيصير المبلغ الباقي مستحق في كشف حساب الشهر اللي بعده. بيكون حساب هامش الربح الشهري بعدها - > 2٪ من (إجمالي المبلغ المستحق (1000) - الدفعة التي تم حسابها (100)) وبتنخصم من البطاقة وتصير مستحقة في كشف حساب الشهر اللي بعده.

أكيد تقدر تدفع فاتورتك بشكل تلقائي من خلال ضبط دفع الفواتير التلقائي من نقطة الدخول أدناه: 1- بعد دفع الفاتورة 2- تفاصيل الفاتورة المحفوظة 3- سجل العمليات 4- الدفع التلقائي ولتعديل الدفع التلقائي من نقطة الدخول ادناه: 1- تفاصيل الفاتورة المجفوظة 2- الدفع التلقائي

إذا عندك عز، تقدر تشارك في أي عدد من المجموعات بدون حد، هذه المجموعات بتكون موجودة جنب حسابك الرئيسي، وتقدر تنشئها وتحذفها على راحتك.

إذا انت عميل حالي في عز، بسهولة تقدر تنشئ هدفك الأول من قسم الادخار في الداشبورد . • اضغط على الادخار عشان تعرف أكثر عن الميزة • اضغط على إضافة جديدة في صفحة "أهدافي". • تقدر تختار نموذج شائع للأهداف أو تختار هدف مخصص. • سمّي هدفك باسم مميز، وحدد مبلغ مستهدف وتاريخ انتهاء • آخر شيء، اختار طريقة التحويل (تلقائية أو يدوية)

تقدر تطلب البطاقة من خلال تطبيق عز تحت قسم "السلف" وبموافقة فورية بناء على وجود ايميل جامعي للتسجيل فيه وللتأكيد

تقدر تتحقق من رصيد النقاط بهذي الخطوات: * اضغط على “إكسب” في شريط التنقل * تحقق من الداشبورد عشان تعرف رصيد النقاط

من خلال تطبيق عز، اضغط على الادخار وابدأ هدف جديد: •من تسوي الهدف، اضغط على الهدف المشترك •أقرأ كيف طريقة الهدف المشترك، وافهم الشروط والأحكام و بعدها وافق عليها •اختار العضو من جهات الاتصال •بعدها على طول بتوصل للعضو دعوة عن طريق التطبيق إذا قبل الطلب بتكونون متشاركين في الهدف.

يمكنك إعادة تعيين كلمة المرور الخاصة بك بإستخدام إحدى الطرق التالية: باستخدام الخيار الرقمي: يجب عليك إدخال اسم المستخدم والهوية الوطنية ورقم بطاقة الصراف الآلي متبوعاََ برمز التحقق المرسل إلى رقم جوالك المسجل. باستخدام خدمة أبشر - يجب عليك إدخال رقم جوالك ورقم الهوية الوطنية واسم المستخدم متبوعًا برمز التحقق لأبشر و تأكيد العملية عبر نظام الرد الصوتي. باستخدام بطاقات الصراف الآلي المتاحة - يجب عليك إدخال اسم المستخدم ورقم الجوال المسجل ورقم الهوية الوطنية متبوعًا برمز التحقق، ثم اختيار رقم التعريف الشخصي لبطاقة الصراف الآلي.

تقدر تطلع بطاقة ائتمانية بلاتينية للطلاب.

عضو واحد بس لمشاركة هدفك.

فيه طريقتين للتحويل إلى هدفك: • تحويل تلقائي و متكرر وقت إنشاءك للهدف، تقدر تختار طريقة التحويل التلقائي باختيار أمر دائم لتحويل المبالغ من حسابك الرئيسي إلى هدفك. تقدر تختار التكرار التلقائي يكون كل شهر أو أسبوع. واحنا بنقترح عليك مبلغ معيّن بناءً على المبلغ المستهدف وتاريخ الانتهاء، بس تقدر تغيّره وتحدده على راحتك. • تحويل عادي مع تذكير إذا ما ناسبك أنك تسوي تحويلات تلقائية و متكررة، بنذكرك تضيف مبلغ مالي إلى الهدف، يا كل أسبوع أو كل شهر. تقدر بعدها تحول الفلوس على راحتك.

* اضغط على "قطّة" في الداشبورد * اضغط على "إنشاء قطّة جديدة". * اختار من جهات الاتصال الخاصة عندك (حد اقصى 9 أشخاص للدعوة / إجمالي المشاركين 10). * تدخّل تفاصيل مجموعة القطّة: الصورة والاسم. * قراءة وقبول الشروط والأحكام. * إنشاء مجموعة وإرسال الطلب.

تقدر تدفع الفواتير نيابة عن شخص ثاني، سواء كانت مفوترة أو مسبقة الدفع، عن طريق إضافة تفاصيل الفاتورة، واختيار الحساب اللي تبغى تدفع منه، وأخيراً تأكيد هويتك. بعدها بتشوف التفاصيل الكاملة لمدفوعاتك مع خدمات أخرى مثل دفع الفاتورة تلقائيًا إذا ما كانت فاتورة لمرة واحدة، أو مشاركة إيصال دفع الفواتير، إلخ.

• تقدر تسترجع اسم المستخدم بالضغط على خيار نسيت اسم المستخدم. عشان تكمّل العملية، لازم تدخل الهوية الوطنية / الإقامة، ورقم الجوال المسجل، ورقم التعريف الشخصي الرقمي لبطاقة مدى ، بعدها كلمة مرور لمرة واحدة. * فضلاً الملاحظة أنك ما تقدر تعيد تعيين اسم المستخدم الخاص فيك، بس ترجعه / تعرضه.

راح يتم إضافة النقاط خلال 5 أيام عمل حسب كل عملية.

إذا أنشأت مجموعة القطّة بنجاح، بتقدر بعدها تضيف مبلغ القطة ، لكن ما يقدرون الأعضاء يشوفون طلباتك إلا بعد إنضمامهم للمجموعة.

هو مبلغ الحد الأقصى اليومي لسداد الفواتير ولو وصلت للحد اليومي الأقصى للدفع وإذا حاب بيتم إشعارك بتجديد الحد باليوم اللي بعده .

المطلوب توقيع اتفاقية اصدار البطاقة رقمي (المرابحة / العقد الرقمي)

وقت تسجيل الدخول، تقدر تضيف أي جهاز (جوال, لاب توب أو سطح مكتب) على أنه موثوق به. بتظهر لك نافذة إذا حاولت تسجّل دخول من جهاز غير مسجل. وقتها تقدر إضافته كجهاز موثوق به، إذا اخترت "إضافة إلى الأجهزة الموثوقة" بيتم إضافة الجهاز لقائمة أجهزتك الموثوقة.

من خلال عمليات التقريب، بنقرّب قيمة مشترياتك من حسابك الجاري إلى أقرب رقم صحيح ونحوّل الفرق إلى هدفك. مثلًا، إذا صرفت 12.90 ريال على القهوة، احنا بنقرّبها إلى 13.00 ريال سعودي وبنحط 0.10 ريال سعودي في الهدف اللي اخترته. بيساعدك هالشيء على الادخار في كل مرة تصرف فيها وبيزيد مدخراتك. تقدر تفعّل هذه الميزة أو توقّفها بسهولة وفي أي وقت، مع العلم أنك تقدر تجمع الفائض لهدف واحد بس. ومو بس كذا تقدر كمان تبدّل الأهداف اللي تبغى تفعّل لها هذه الميزة من صفحة تفاصيل الهدف.

نقاطك بتكون صالحة لمدة سنة من تاريخ إضافتها في رصيدك.

اللي سوّى الهدف، هو الوحيد اللي يقدر يتحكم فيه، ويقدر يعطي صلاحية للعضو المشترك عشان يحوّل الفلوس داخل وخارج الهدف.

اي! تقدر تسجّل فيها كلها وتستخدمها سوى.

استخدام الحساب المشترك التقليدي، يعني شخصين يفتحون حساب مع بعض ويكون عندهم ملكية قانونية متساوية. أما في الهدف المشترك صاحب الهدف هو الوحيد المتحكم بالهدف ويقدر يعطي صلاحية لعضو آخر بارسال دعوة، عشان يساهم معاك في الوصول للهدف وتحقيقة.

الغرض من الهدف هو مساعدتك بأن توصل للمبلغ المستهدف في الوقت المحدد، وعمليات السحب المتكررة ممكن تأخر وصولك لهدفك وعشان تحافظ على مدخراتك اللي بتحقق لك هدفك بنصعبها عليك شوي • على صفحة تفاصيل هدفك، اضغط على "سحب" • اقرأ التعليمات واضغط على "طلب السحب” تقدر تسحب بعد 5 ساعات، وبنرسل لك إشعار تذكير. • بمجرد ما يوصلك الاشعار، بتتفعّل عملية السحب لمدة 24 ساعة، وبتقدر تسحب كل المدخرات في الهدف. • تقدر بعدها تضغط على الإشعار أو تضغط على "سحب" • أخيرا، اختار المبلغ (أقل من أو يساوي إجمالي المبلغ المدخر) واختار حساب الوجهة (فقط حسابك الجاري)

تقدر تبدأ تستبدل النقاط لمّا تجمع العدد الكافي منها، وتكون فعالة في رصيدك.

أي عضو في المجموعة يقدر يضيف مبلغ القطة بواحدة من هذه الطرق: * إضافة الحساب وبعدها تحديد الفئة، ادخال الوصف والمبلغ، ثم قسّم القطة بين أعضاء المجموعة. * الاختيار من سجل العمليات - حدد “الفئة"، واضغط على جلب من سجل العمليات، وتحديد عملية ثم قسم النفقات بين مستخدمي المجموعة. * تقسيم الفاتورة - في صفحة تأكيد نجاح الدفع، اضغط فوق زر تقسيم الدفع، وحدد فئة، ثم قسم القطة بين أعضاء المجموعة.

تقدر تحوّل مباشرة لمستفيد في بنك محلي ثاني ويكون داعم لخدمة الحوالات السريعة باستخدام رقم الجوال أو عنوان البريد الإلكتروني أو رقم الهوية الوطنية أو رقم الحساب بصيغة ”آيبان“ بدون إضافة وتفعيل المستفيد طالما أن التحويل الخاص فيك بالريال والحد اليومي الأقصى ٢٥٠٠ ريال سعودي. أما إذا كان تحويلك يتجاوز الحد اليومي الأقصى اللي حددته، يعني فوق ٢٥٠٠ ريال سعودي، أو لمستفيد دولي، أو لمستفيد في مصرف الإنماء، أو لمستفيد غير داعم لخدمة الحوالات السريعة وقتها تحتاج إضافة وتفعيل المستفيد عشان تكمل التحويل.

يبدأ الحد الائتماني من 300 ريال سعودي وتقدر تزيده حتى 1,500 ريال سعودي على حسب انتظامك في تاريخ الدفع.

-صاحب الهدف بما أنك صاحب الهدف، بتكون أنت المسؤول عنه. وبتقدر • تعدل تفاصيل الهدف، الأسم والصورة • تحدد قواعد الادخار • تضيف البوستر/المعزز • تضيف أو تسحب الفلوس • توافق أو ترفض طلبات سحب العضو المشارك • ترسل دعوة مشاركة الهدف لشخص واحد •مراجعة رصيدك ونشاطك. • تقفيل الهدف. بس مع كذا، ماراح تقدر: إذا أرسلت دعوة لعضو ، تحذفها - العضو المشارك من أول ما تقبل دعوة المشاركة على أي هدف، بتصير عضو مشارك بالهدف وبتقدر: • تدخل في الهدف المشترك • تشوف تفاصيل الهدف (مبلغ الهدف، تاريخ البداية ، الاسم ، الصورة ، تاريخ الانتهاء ، العمليات) • تتحكم وتنظم التحويل للهدف • توافق على البوستر/المعزز • تضيف أو تسحب الفلوس • موافقة أو رفض طلبات السحب من صاحب الهدف بس مع كذا، ماراح تقدر: • تعدل على تفاصيل الهدف • ترسل دعوة لأي متعاون إضافي • تشيل صاحب الهدف • تقفل أو تحذف الهدف

تساعدك ميزة الهدف المشترك أنك توصل لهدفك مع صديقك أو أخوك أو أي أحد تشارك هدفك معه. تقدر ترسل دعوة لأي مستخدم بتطبيق عز عشان يساهم في تحقيق هدفك، عشان تعرف أكثر إضغط على الهدف المشترك واقرأ الشروط والأحكام.

بالنسبة للبطاقة البلاتينية، يوصل الحد الأقصى إلى 1,500 ريال سعودي، حسب نتائج التقييم الائتماني و انتظامك في تاريخ الدفع.

هو مبلغ الحد الأقصى اليومي لتحويل الأموال ولو وصلت للحد اليومي الأقصى للتحويل ولو حاب بيتم إشعارك بتجديد الحد باليوم اللي بعده.

تقدر تسجّل الدخول لقناة وحدة بس في كل مرة، مثلًا، إذا سجّلت دخول لتطبيق عز ثم سجّلت دخول على إنترنت الإنماء في نفس الوقت، بيتم تسجيل خروجك تلقائياً من عز.

بعد ما تضيف القطة، عندك طريقتين لتقسيمها: * بالتساوي: بيتقسّم المبلغ الإجمالي بالتساوي بين كل الأعضاء. * مخصص: يقدر مدير القطّة يقسم القطة مثل ما يبغى بين الأعضاء.

تقدر تستبدل النقاط في أي وقت من المتجر الالكتروني اللي فيه منتجات متنوعة مثل الإلكترونيات والهدايا والقسائم والفعاليات العائلية وغيرها الكثير.

تقدر تعيد تعيين كلمة المرور الخاصة فيك وتفتح حسابك من جديد عبر هذه الخطوات البسيطة من صفحة تسجيل الدخول ١- اضغط على نسيت اسم المستخدم او كلمة المرور ٢- اختار نسيت كلمة المرور ٣- أكتب اسم المستخدم، الهوية الوطنية او الإقامة ورمز البطاقة ٤- ادخل كلمة المرور الجديدة مع التأكيد ٥- اضغط على تأكيد، وبعدها بتوصل لك مكالمة للتأكيد ٦- وافق وأكد أثناء المكالمة، وبيتم إعادة تعيين كلمة المرور ٧- سجل دخولك بكلمة المرور الجديدة، وبكذا تكون أعدت تفعيل حسابك

لما تكون أنت اللي سويت الهدف، تقدر تسحب الفلوس مباشرة بس تحتاج موافقة العضو المشارك بالهدف، بعد موافقته راح يتم إيداع المبلغ في حسابك الجاري. وبالمثل، لو كنت مشترك في هدف سواه أحد غيرك، تحتاج موافقة اللي سوّى الهدف.

يعتمد على المنتج اللي طلبته، بيتم إرسال المنتجات الرقمية على طول لإيميلك مثل القسائم أو الرموز الترويجية ، بيوصلك بعد على ايميلك الرقم التسلسلي للمنتج اللي تم استرداده أو رقم التعريف الشخصي أو رمز التفعيل. تقدر بعد تشوف معلومات المنتج أو تحملها مباشرة عبر التطبيق من سجل الطلبات الخاص فيك وعرض تفاصيل الطلب. أما المنتجات المادية من المتجر الإلكتروني مثل الأجهزة الالكترونية بتوصلك خلال 5-7 أيام عمل.

المسؤول هو المستخدم اللي أنشأ المجموعة- مدير القطّة- يقدر يضيف أعضاء ويشيلهم ويعدّل تفاصيل المجموعة ويحذفها كمان.

نعتذر، حالياً ما نقدم حدود ائتمانية مؤقتة.

مع أننا نأمل أنك توصل دائمًا لهدفك، بس طبعا تقدر تلغيه في أي وقت. عشان تلغيه تحتاج أول شيء أنك تفضي حسابك الجاري من كل الفلوس ، بعدها اضغط على “إغلاق الهدف" وطلب السحب، بعد 5 ساعات، بتقدر تاخذ الفلوس من هدفك وبيتم إغلاقه، بمجرد إلغاء هدفك، ما تقدر تفتحه مرة ثانية، بس تقدر دائماً تسوّي هدف جديد.

بيكمّل هدفك حتى توصل للمبلغ المستهدف. مازلت تقدر تضيف فلوس حتى تحقق هذا الهدف. وتقدر بعد تمدد تاريخ نهاية الهدف على راحتك في أي وقت.

تقدر تحول النقاط إلى أميال الفرسان بهذي الخطوات: * اضغط على أيقونة “إكسب" في شريط التنقل * اضغط زر "تحويل" * بينعرض لك برنامج أميال الفرسان * اختر عدد النقاط المطلوبة وبيعرض لك السعر المعادل لها في أميال الفرسان * سجل رقم عضويتك في الفرسان * اضغط على "تحويل النقاط”

تقدر تدفعها بطرقتين طبعا بعد ما يوصلك طلب قطة من عضو ثاني، حدد الحساب اللي تبي تدفع منه وبعدها تأكيد. * ممكن تختار العضو وتدفع له مبلغ القطة كامل دفعة وحدة. * وممكن تختار العضو وتدفع له جزء من مبلغ القطة.

يقدر اللي سوّى الهدف أو العضو المشارك يطلعون من الحساب على راحتهم، ويقدرون كمان: * سحب مساهماتهم من الهدف بدون موافقة الطرف الثاني. * ترك كل الفلوس في الهدف. * طلب مبلغ الهدف بالكامل؛ بعد موافقة الطرف الثاني على الطلب.

تقدر تفعّل أو توقّف كل من Face ID‪/‬ Touch ID عن طريق تحديد هذا الخيار في تخصيصات الأمان على صفحة حسابك الشخصي وتعطي موافقتك عبر استقبال إتصال آلي ‬‬‬‬‬‬‬‬‬‬‬‬‬‬‬‬

يكون إصدار الكشف في اليوم الثالث من كل شهر ميلادي.

حالياً نعتذر، لكن نأكد لك بطاقتك الحالية مليانه بالمميزات اللي تناسب أسلوب حياتك.

إذا حققت هدفك بيصير مكتمل في صفحة "أهدافي" وبتقدر تسحب المبالغ من حسابك الرئيسي متى ما بغيت.

يقدر أي أحد من أعضاء القطّة يشوف ملخص في الداشبورد للمبلغ المدفوع والمبلغ المستحق، وحسابات الأعضاء المستحقين، والمبلغ الصافي اللي بيتم تحصيله.

حسب الأنظمة، ما توصلك أي إشعارات على البريد الإلكتروني إلا إذا وثقت بريدك الإلكتروني على عز.